Shaqooyinka Guddiyadda

0. GUDDIGA JOOGTADA AH Guddiga joogtada ah wuxuu ka kooban yahay Guddoomiyaha, Labada Guddoomiye ku-xigeen iyo Toban Madax Guddiyeed oo kala ah:

1. Guddoomiyaha Guddiga Shuruucda, Caddaaladda, Arrimaha Diinta iyo Dastuurka.
2. Guddoomiyaha Guddiga Siyaasada, Qorsheynta, Horumarinta Dhaqaalaha iyo xiriirka caalamiga ah.
3. Guddoomiyaha Guddiga Anshaxa iyo Arrimaha Golaha.
4. Guddoomiyaha Guddiga Arrimaha gudaha, Federaalka iyo Dimuqraadiyadda.
5. Guddoomiyaha Guddiga Amniga iyo Nabadgelyada.
6. Guddoomiyaha Guddiga Maaliyadda, Dhaqaalaha iyo Xisaabaadka.
7. Guddoomiyaha Guddiga Hawlaha Guud, Gaadiidka, Ganacsiga iyo Kaabayaasha Dhaqaalaha.
8. Guddoomiyaha Guddiga Arrimaha Bulshada, Dhaqanka, Warfaafinta iyo Isgaarsiinta.
9. Guddoomiyaha Guddiga Arrimaha Deegaanka iyo Khayraadka Dabiiciga ah.
10. Guddoomiyaha Guddiga Xuquuqda Insaanka, Haweenka iyo Arrimaha Qoyska.

QODOBKA 12-AAD:
DOORASHADA XUBNAHA GUDDIGA JOOGTADA AH

Doorashada Xubnaha Guddiga Joogtada ah waxay ku imaan kartaa:-

1. Wadatashi ka dib, Xubnaha Gobol kasta oo Puntland ka tirsan wuxuu soo magacaabi doonaa xubnaha uga mid noqonaya Guddiga Joogtada ah.
2. Haddii Xubnaha Gobolku aanay go’aan midaysan ka gaarin iskuna raacin xulidda xubnaha uga mid noqonaya Guddiga Joogtada ah, Golaha ayaa kala dooranaya musharixiinta u taagan jagadaas ama jagooyinkaas ee Xubnaha Gobolka.
3. Guddoomiyaha Golaha Wakiilladu isagoo la tashanaya Guddoomiye ku- xigeennada, wuxuu magacaabaa, iskuna bedeli karaa xilalka madax- guddiyeedyada iyo xubnaha guddiyada. QODOBKA 13-AAD: XILKA GUDDIGA JOOGTADA AH

1. Socodsiinta hawlaha Golaha muddada u dhaxaysa labada kalfadhi (Fasaxa).
2. La socoshada dhacdooyinka iyo ururinta xogaha inta lagu jiro fasaxa, si loogu soo bandhigo Golaha.
3. Hubinta fulinta barnaamijyada xukuumadda sidii loogu talo galay in uu u fulay.
4. Waxay u yeeri karaan mas’uul kasta si ay su’aalo uga weydiiyaan shaqada loo idmaday
5. Waxay ansixiyaan barnaamijta iyo qorshayaasha shaqo ee Golaha.
6. Waxay ka talo bixiyaan arrimaha Siyaasadda, Amniga, Difaaca, Dhaqaalaha, Arrimaha Bulshada iyo dhaqanka.
7. Waxay Xoojiyaan xiriirka saaxiibtinimo ee ka dhexeeya Golaha Wakiillada iyo Baarlamaannada kale.
8. Waxay Kormeeraan shaqada wasaaradaha, hay’adaha dawladda iyo kuwo aan dawliga ahayn.
9. Waxay soo saaraan baaqyo Baarlamaani ah mar kasta oo ay jiraan dhibaatooyin dabiici ah iyo kuwo bani’aadannimo.

10

QODOBKA 14-AAD: SHIRARKA GUDDIGA JOOGTADA AH

1. Guddoomiyaha Golaha Wakiillada ayaa ah Guddoomiyaha Guddiga Joogtada ah.
2. Guddiga Joogtada ah wuxu todobaadkiiba yeelanayaan hal shir inta lagu guda jiro fasaxa Golaha.
3. Kulanka Guddiga Joogtada ah wuxuu furmayaa marka ay joogaan saddex-meelood laba meelood (2/3) xubnaha Guddiga.
4. Dhammaan go’aamada guddigu waxay ku ansaxayaan cod hal dheeri ah, haddiise natiijadu is le’ekaato laba wareeg ee codbixin ah ka dib, waxaa cod hal dheeri ah yeelanaya Guddoomiyaha.
5. Haddii Guddoomiye Guddi uu shaqada cudur-daar kaga maqan yahay, waxaa shaqada Guddigaas sii wadaya Guddoomiye ku xigeenka Guddigaas.
6. Xoghayaha Guud ee Golaha, fadhiga Guddiga waa ka soo qayb gelayaa, ra’yigiisana waa ka dhiiban karaa, hase yeeshee ma yeelan karo awood codeyn.
8. QODOBKA 15-AAD
   SHURUUDAHA LAGU LUMIN KARO XUBINNIMADA GUDDIGA JOOGTADA AH

1. Geeri.
2. Xil Gudasho la’aan.
3. Haddii fasax la’aan xubin ay ka maqnaanto fadhiyada Guddiga joogtada ah labo kulan oo is-xiga sabab la’aan.
4. Jebinta Shareecada islaamka, Dastuurka, Xeer-hoosaadka iyo xeerarka dalka.
5. Istiqaalo qoraal ah keento, lagana aqbalo.